„ქართული ოცნების“ პრემიერ-მინისტრის, ირაკლი კობახიძის ბრძანებით, სახელმწიფო გრანტების სააგენტო თამარ ზოდელავას ჩაბარდა. შესაბამისი ბრძანება გუშინ, 22 აპრილს გამოიცა.
სააგენტოს ოფისი მთავორობის ადმინისტრაციაში განთავსდება.
შეგახსენებთ, რომ საქართველოში შეიქმნა არასამთავრობო ორგანიზაციების სახელმწიფო ბიუჯეტიდან დაფინანსების სააგენტო - შესაბამისი კანონი „ქართული ოცნების“ პარლამენტმა მესამე მოსმენით 20 თებერვალს მიიღო.
