ლილოს ბაზრობის ტერიტორიაზე გაჩენილი ხანძარი ლოკალიზებულია, მიმდინარეობს სალიკვიდაციო სამუშაოები.
ლილოს ბაზრობაზე ხანძარი 5 000 კვადრატულ მეტრამდეა გავრცელებული. ადგილზე 12 სახანძრო-სამაშველო ჯგუფი მუშაობს.
მომხდარზე გამოძიება სისხლის სამართლის კოდექსის 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.
არსებული ინფორმაციით, ტერიტორიაზე ხანძარი ელექტროგაყვანილობიდან გაჩნდა. ადგილზე ძლიერი ცეცხლი და დაკვამლიანებაა.
ამ დროისათვის დაშავებულების შესახებ ინფორმაცია არ ვრცელდება.
