რუსმა მილიარდერმა, ბიზნესმენმა იგორ მაკაროვმა რუსეთის მოქალაქეობაზე უარი თქვა.
ინფორმაციას Forbes-ზე დაყრდნობით The Moscow Times ავრცელებს.
ცნობილია, რომ რუსეთის მიერ უკრაინაში ომის დაწყების შემდეგ ის მეექვსე მილიარდერია, რომელმაც ეს გადაწყვეტილება მიიღო.
მედია წერს, რომ მაკაროვმა 2008-2012 წლებში, ინვესტიციების სანაცვლოდ კვიპროსის პასპორტი მიიღო. ბოლო წლების განმავლობაში, ბიზნესმენი სამ ქვეყანაში - კვიპროსში, აშშ-სა და ჩრდილოეთ იტალიაში ცხოვრობს.
Forbes-ის მონაცემებით, ის 2,2 მილიარდი დოლარის ქონებას ფლობს.
უკრაინაში რუსეთის ომის დაწყების შემდეგ, მაკაროვის წინააღმდეგ დიდმა ბრიტანეთმა, კანადამ, ავსტრალიამ და ახალმა ზელანდიამ სანქციები დააწესეს.
