სუს-ის ყოფილ მაღალჩინოსანთან, სოსო გოგაშვილთან ცოტა ხნის წინ იურისტები იმყოფებოდნენ.
უწყების დატოვების შემდეგ, იურისტმა მედიასთან კომენტარი გააკეთა და თქვა, რომ გოგაშვილის თქმით, რამდენიმე დღეში გასაჯაროვდება დოკუმენტები, რომელიც „ქართული ოცნების“ არჩევნების გაყალბების სქემას ახდის ფარდა.
„როგორც ბატონი სოსო გოგაშვილი აცხადებს, მისი დაკავება უკავშირდება ბოლო პერიოდში მის მიერ წამოწყებულ საქმიანობას და ეს საქმიანობა ეხება არჩევნების გაყალბების საკითხებს. როგორც თვითონ აცხადებს, ის მუშაობდა ამ თემაზე და კონკრეტულ სქემებზე და აღნიშნული დოკუმენტის საჯაროდ გამოტანას აპირებდა რამოდენიმე დღის განმავლობაში და როგორც თვითონ აცხადებს, ეს დოკუმენტი დღის სინათლეს მაინც იხილავს. არის საზღვარგარეთ, არის სანდო ხელში და აპირებს რამოდენიმე დღეში მის გასაჯაროებას.
ვიზუალური დაკვირვებითაც ეტყობა, რომ სახის არე მარჯვენა მხარე აქვს შეშუპებული და წელის არეში წიხლებით მოხდა ფიზიკური დაზიანებების მიყენება. კიდევ ერთი მნიშვნელოვანი გარემოებაა, რომ როდესაც სოსო გოგაშვილს ჰქონდა ხელები შეკრული უკანა მხარეს, გაშლილ ხელებზე მას უდებდნენ კონკრეტულ იარაღს, სავარაუდოდ, ანაბეჭდებისა და დნმ-ის გადატანის მიზნით“,- ამბობს ადვოკატი, რამაზ ჩინჩალაძე.