რუსეთმა ტერნოპოლის რაიონზე სარაკეტო იერიში მიიტანა. აფეთქებები მოხდა ქალაქ ჩორტკივში.
ამის შესახებ ინფორმაციას რეგიონის მოსახლეობა სოციალურ ქსელში ავრცელებს.
ფაქტს ადასტურებს ტერნოპოლის რეგიონული სახელმწიფო ადმინისტრაციის ხელმძღვანელი ვოლოდიმირ ტრუშიც.
„ტერნოპოლის ოლქის მაცხოვრებლებო, დარჩით თავშესაფრებში. ნუ გადაიღებთ ფოტოებს და ნუ აკეთებთ კომენტარებს აფეთქებების შედეგებზე სოციალურ ქსელებში. ჩვენი სპეციალისტები უკვე მუშაობენ ჩორტკივის რაიონში. მე გაგაცნობთ რეგიონში არსებულ ვითარებას“, - დაწერა მან ტელეგრამის არხზე.
