„რომ არა ჩვენი მთავრობა, ძალიან რთულ პირობებში ვიქნებოდით“, - ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.
მან ასევე აღნიშნა, რომ „ქართული ოცნება“ პირნათლად ასრულებს ქართველი ხალხის დაკვეთას.
„დაწყებული ასოცირების შეთანხმების გაფორმებით, თავისუფალი ვაჭრობის გაფორმებით, შემდეგ უვიზო რეჟიმის მიღებით და ახლა უკვე ოფიციალური განაცხადის შეტანით, ჩვენმა მთავრობა დაამტკიცა, რომ ჩვენ ვართ ერთგულნი და პირწმინდად, პირნათლად ვასრულებთ ჩვენი ხალხის დაკვეთას. რომ არა ჩვენი მთავრობა, რა თქმა უნდა, არათუ ევროკავშირი, არამედ ძალიან რთულ პირობებში ვიქნებით დღეს. სწორედ ქართული ოცნების დამსახურებაა, რომ დღეს ჩვენი ქვეყანა არის ასოცირებული ქვეყანა, გვაქვს თავისუფალი ვაჭრობა ევროკავშირთან, გვაქვს უვიზო რეჟიმი ჩვენი მოქალაქეებისთვის და ახლა უკვე პატივი გვხვდა წილად, რომ შეგვეტანა განაცხადი ოფიციალურად წევრობისთვის“, - განაცხადა ღარიბაშვილმა.
