„ომიკრონთან“ დაკავშირებით რისკი არის მისი ძალიან სწრაფი და მასობრივი გავრცელება, - ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
მისი თქმით, დღეის მდგომარეობით, ჰოსპიტალიზებულია 6 000-მდე კორონავირუსით ინფიცირებული პაციენტი.
„ადამიანების გარკვეული პროცენტი - ეს არის 2.7%, ვინც ჰოსპიტალში ხვდება. უდიდესი ნაწილი არის ბინაზე. ჰოსპიტალური საწოლფონდი 8 ათასზე მეტია. დღეის მდგომარეობით, ჰოსპიტალიზებულია 6 ათასამდე პაციენტი. განსაკუთრებული სიფრთხილე საჭიროა ასაკოვან და ქრონიკული დაავადებების მქონე პირებში, მით უფრო, თუ ისინი ვაქცინირებული არ არიან“, - განაცხადა თამარ გაბუნიამ.
