უკრაინის პრეზიდენტის, ვოლოდიმირ ზელენსკის ხარკოვში ჩასვლის პარალელურად, რუსმა სამხედროებმა ხარკოვის ერთ-ერთი რაიონი დაბომბეს.
კერძოდ, იერიშის სამიზნე სოფელ ჟუკოვსკის მიდამოები და ხარკოვის ჩრდილოეთ ნაწილი გახდა. დაზიანდა სახლები, მანქანები, მაღაზიები და ავტოფარეხები.
ქალაქის დაბომბვა დაადასტურა ხარკოვის მერმა იგორ ტერეხოვმა.
შეგახსენებთ, ვოლოდიმირ ზელენსკიმ ხარკოვში დღეს უკრაინული არმიის ფრონტის ხაზი მოინახულა და უკრაინელი ჯარისკაცები დააჯილდოვა.
