მოლდოვას სეპარატისტული რეგიონის, დნესტრისპირეთის შინაგან საქმეთა სამინისტრომ 7 მაისს, უკრაინის საზღვართან, რიბნიცას რაიონში უპილოტო საფრენი მოწყობილობებით, დრონებით, რამდენიმე დარტყმის შესახებ ინფორმაცია გაავრცელა.
სეპარატისტული დნესტრისპირეთის ე.წ-მა შინაგან საქმეთა სამინისტრომ აფეთქებისგან გაჩენილი კრატერების ფოტოები გამოაქვეყნა და დასძინა, რომ თავდასხმის შედეგად არავინ დაშავებულა.
საგარეო საქმეთა მინისტრმა, ვიტალი იგნატიევმა Reuters-თან ინტერვიუში უარი თქვა იმის აღნიშვნაზე, ადანაშაულებს თუ არა თავდასხმაში ე.წ დნესტრისპირეთის ხელისუფლება უკრაინას და თქვა, რომ ამჟამად, ექსპერტები ამ საქმეს იკვლევენ.
