რუსმა ოკუპანტებმა მარიუპოლში, "აზოვსტალის" ქარხანაზე საჰაერო იერიშები განაახლეს.
ამის შესახებ ინფორმაციას უკრაინის პრეზიდენტის ადმინისტრაციის უფროსის მრჩეველი, ალექსეი არესტოვიჩი ავრცელებს.
"გვაქვს რთული ამბები: მტერი ცდილობს საბოლოოდ ჩაახშოს მარიუპოლის დამცველების წინააღმდეგობა აზოვსტალის რაიონში. მათ განაახლეს საჰაერო იერიშები ქარხანაზე, ჩვენი ჯარების თავდაცვის ზონაში და შეეცდებიან, თავდასხმითი შეტევები განახორციელონ", - თქვა არესტოვიჩმა.
