უკრაინის სახელმწიფო სააგენტოს ინფორმაციით, რუსულმა სამხედრო ძალებმა ჩერნობილის ატომური ელექტროსადგურის კვლევითი ლაბორატორიიდან რადიოაქტიური ნივთიერებები მოიპარეს, რომლებსაც მათი მოკვლა შეუძლია.
უკრაინის სახელმწიფო სააგენტო, რომელსაც ჩერნობილის ყოფილი ატომური სადგურის მიმდებარე ტერიტორიის მართვა ევალება, აცხადებს, რომ რუსულმა ძალებმა ლაბორატორიიდან 133 განსაკუთრებით რადიოაქტიური ნივთიერება მოიპარეს.
„ამ ნივთიერებების მცირე ნაწილიც კი სასიკვდილოა, თუ არაპროფესიონალურად გამოიყენებენ. მოპარული ნივთიერებების ადგილმდებარეობა ამჟამად უცნობია“, - ნათქვამია სააგენტოს განცხადებაში.
