ვლადიმერ ჟირინოვსკი ამჯერად მართლა მოკვდა.
რუსეთის „ლიბერალ-დემოკრატიული პარტიის“ ლიდერის გარდაცვალების შესახებ რუსეთის სახელმწიფო დუმაში სხდომისას გამოაცხადეს და მის ხსოვნას წუთიერი დუმილით პატივი მიაგეს.
შეგახსენებთ, რომ მისი ჯანმრთელობის მდგომარეობა ბოლო პერიოდში რამდენჯერმე დამძიმდა. ჟირინოვსკი იმყოფებოდა ხელოვნურ კომაშიც, კომიდან გამოსვლის შემდეგ მართვით სუნთქვის აპარატზე გადაყვანა გახდა საჭირო, რის შემდეგაც მას სეფსისი განუვითარდა და ფილტვები გაეთიშა.
