უკრაინამ პოლონეთიდან გაზის ფიზიკურად შემოტანა შეძლო, - ამის შესახებ ადგილობრივი მედია GTS ოპერატორის პრესსამსახურზე დაყრდნობით იტყობინება.
მათივე ცნობით, უკრაინის GTS ოპერატორი და Poland Gaz System SA შეთანხმდნენ, რომ 2022 წლის 6 მარტიდან შემოიღონ გარანტირებული სიმძლავრე გაზის იმპორტისთვის.
„ეს იძლევა შესაძლებლობას, გარანტირებული საფუძველზე მოხდეს გაზის ფიზიკურად იმპორტი პოლონეთიდან, მათ შორის LNG ტერმინალიდან, და ამით ხელს უწყობს უკრაინის საჭიროებების გაზის მიწოდების უსაფრთხოებას. ბოლო სამი თვის განმავლობაში OGTSU-ს საერთაშორისო პარტნიორებმა გადადგნენ მნიშვნელოვანი ნაბიჯები თანამშრომლობის კუთხით მიწოდების უსაფრთხოების გასაძლიერებლად. ახლა, ტრანზიტის არარსებობის პირობებში, უკრაინის ბაზრის მონაწილეები გაზის მიღებას სამი მიმართულებით - პოლონეთიდან, უნგრეთიდან და სლოვაკეთიდან შეძლებენ“, - ნათქვამია განცხადებაში.
უკრაინული მედიის ცნობით, ქვეყანა დღეში საშუალოდ 100-120 მილიონ კუბურ მეტრ გაზს მოიხმარს.
