უკრაინის პრეზიდენტმა, ვოლოდიმირ ზელენსკიმ უკრაინის ელჩი საქართველოში, კონსულტაციებისთვის დაიბარა.
როგორც ზელენსკიმ აღნიშნა, ელჩს იბარებს მოხალისეების ქვეყნიდან არგაშვებისა და სანქციებთან დაკავშირებით ამორალური პოზიციის გამო.
„რაც შეეხება ჩვენს დიპლომატებს, მათი ქმედებები გამართლებულია იმ სახელმწიფოების მიმართ, რომლებმაც თავიანთი სიტყვა და საერთაშორისო ნორმები დაარღვიეს. დაუყოვნებლივ კონსულტაციებზე გამოვიწვიეთ უკრაინის ელჩი ყირგიზეთში, რადგან ამ ქვეყანამ რუსული აგრესია გაამართლა. ასევე, ვიძახებთ კონსულტაციებზე უკრაინის ელჩს საქართველოში, რადგან მოხალისეები არ გამოუშვეს, ასევე სანქციებთან დაკავშირებით ამორალური პოზიციის გამო“, - განაცხადა ზელენსკიმ.
