რუსი სამხედრო ბლოგერების თანახმად, უკრაინაში დონეცკის ოლქში ოკუპირებული სოლედარის დასახლებასთან СУ-25 ტიპის რუსული მოიერიშე თვითმფრინავი მეორე СУ-25-ის ცეცხლის შედეგად ჩამოვარდა.
გავრცელებული ინფორმაციით, ერთმა თვითმფრინავმა მეორეს შეცდომით ცეცხლი გაუხსნა და უმართავი რაკეტა ესროლა.
პრორუსი სამხედრო ბლოგერის, Fighterbomber-ის თანახმად, ჩამოვარდნილი თვითმფრინავის პილოტმა კატაპულტირება მოასწრო და გადარჩა, ამჟამად კი საავადმყოფოში იმყოფება.
უკრაინული გამოცემა Мілітарний აღნიშნავს, რომ СУ-25-ის ტიპის თვითმფრინავები საშუალოდ 40 წლისაა და ბოლო დროს უფრო და უფრო მეტი ტექნიკურ ხარვეზებსა და საგანგებო მდგომარეობებს აწყდება.
