ქვეყანა „ღორის გრიპის“ ეპიდემიის წინაშე დგას.
სეზონური ვირუსის გავრცელებამ ბოლო რამდენიმე დღეში განსაკუთრებულად იმატა და სამედიცინო ცენტრებში მიმართვიანობა უმაღლეს დონემდეა გაზრდილი.
მედიკოსები რამდენიმე განსაკუთრებულ სიმპტომზე საუბრობენ, რომლებიც ახასიათებს ა ტიპის ვირუსის ამ შტამს და მათი გამოვლენის შემთხვევაში გვირჩევენ, მიმვართოთ ექიმს და დავრჩეთ იზოლაციაში.
ე.წ. ღორის გრიპის მასშტაბური გავრცელების მიზეზზე საუბრობენ ეპიდემიოლოგები. მათი შეფასებით, მძიმე ვითარების მთავარი მიზეზი ვაქცინაციის ჩავარდნილი პროგრამაა.
მედიკოსები ქვეყანაში აცრის დაბალ კულტურაზე ლაპარაკობენ.
