თბილისის საერთაშორისო აეროპორტში შსს-ს განსაკუთრებული მობილიზება აქვს გამოცხადებული.
აეროპორტთან დიდი რაოდენობით პოლიციელები არიან, რისი მიზეზიც ის პროტესტია, რომელიც მოსკოვი-თბილისის პირველი ავიარეისის პარალელურად იგეგმება.
ოკუპანტმა ქვეყანამ დღეს საქართველოსთან ავიამიმოსვლა განაახლა. პირველ რეისს კი ოპოზიციონერები და სამოქალაქო აქტივისტები საპროტესტო აქციით დახვდებიან.
მოსკოვიდან გამოფრენილი ბორტი თბილისში დაახლოებით 14 საათისთვის დაეშვება.
