საქართველოს პატრიარქი, ილია მეორე ვაკის პარკში გარდაცვლილ 13 წლის მარიტას შესახებ სამძიმრის წერილს აქვეყნებს.
უწმინდესი აცხადებს, რომ ეს ყველას გულისტკივილია.
„დიდია ჩვენი გულისტკივილი დღეს მომხდარი ტრაგედიის გამო.
აღვავლენთ ლოცვებს პატარა მარიტა-მარიამის უკვდავი, ნათელი სულისათვის, რათა უფალმან თვის საუფლოში, - სავანესა მართალთასა დააწესოს იგი, ხოლო თქვენ მოგმადლოთ ჭირსა შიგან სიმტკიცე და ურყევი რწმენა იმისა, რომ სინამდვილეში სიკვდილი არ არსებობს, რადგან გარდაცვალება არის დასაწყისი ახალი, მარადიული, ჭეშმარიტი ცხოვრებისა, რომელიც მხოლოდ დროებით განგვაშორებს ახლობლებს; მთავარია, ჩვენ შევძლოთ ღვთის გზით სვლა.
ვლოცულობთ მარიტა-მარიამისთვის. ღმერთი იყოს თქვენი შემწე“, - წერს ილია მეორე.
