„ენმ“-ს თავმჯდომარემ, ნიკა მელიამ ტელეკომპანია პირველის ეთერში განაცხადა, რომ კეზერაშვილთან არანაირი საერთო არასდროს ექნება.
მან ყოფილ თავდაცვის მინისტრს ურჩია, რომ პოლიტიკოს ჩამოშორდეს.
„მე ამ ადამიანთან [კეზერაშვილთან] არანაირი საერთო არ მექნება, არც მაქვს. მიმაჩნია, რომ რაც უფრო შორს იქნება პოლიტიკური სპექტრისგან ეს ადამიანი, მით უფრო უკეთესი იქნება მისთვის - პირადად და ქართული პოლიტიკური ცხოვრებისთვის და მით უფრო - ბიძინა ივანიშვილის წინააღმდეგ ბრძოლის პროცესში. მხოლოდ ამას ვიტყვი ამჯერად“, - განაცხადა ნიკა მელიამ.
შეგახსენებთ, რომ რამდენიმე თვის წინ კულისებიდან გავრცელდა ინფორმაცია, რომ მელია და კეზერაშვილი ერთმანეთს დაუპირისპირდნენ, რამაც პარტიაში სიტუაცია არია.
