უკრაინის სამხედროებმა გამოაქვეყნეს კადრები, სადაც ნაჩვენებია, რომ ქალაქ სუმში უკრაინელ ჯარისკაცებსა და რუს თავდამსხმელებს შორის დაპირისპირება მიმდინარეობს.
სუმი რეგიონული დედაქალაქია 260 000-ზე მეტი მოსახლეობით, რომელიც რუსეთის საზღვრიდან 30 კილომეტრში მდებარეობს.
ადგილობრივი ადმინისტრაციის ხელმძღვანელის, დმიტრო ჟივიცკის განცხადებით, დიდი რუსული სამხედრო კოლონა სუმის დასავლეთით, დედაქალაქ კიევისკენ მიემართება.
როგორც BBC წერს, ჟივიცკიმ ასევე თქვა, რომ ახლომდებარე ქალაქი კონოტოპი რუსეთის მიერ გარშემორტყმულია.
