თბილისის შემოსასვლელთან მიმდინარე საპროტესტო აქციაზე პოლიცია პერიოდულად უპირისპირდება აქციის მონაწილეებს და ფიზიკურად უპირისპირდება. სამართალდამცავებმა ადგილზე აქციის რამდენიმე მონაწილე დააკავეს.
გარდა ამისა, შეხლა-შემოხლის გამო, აქციის რამდენიმე მონაწილე შეუძლოდ გახდა.
დემონსტრანტები გზის სავალი ნაწილის გადაკეტვას ცდილობდნენ, საპოლიციო ძალების წარმომადგენლებმა აქციის მონაწილეებს გზის გადაკეტვის საშუალება არ მისცეს - ამ დროისთვის თბილისის შესასვლელთან საავტომობილო მიმოსვლა აღდგენილია.
მანამდეც არაერთხელ დაიძაბა ადგილზე ვითარება, პოლიციამ დააკავა აქციის მონაწილეები, მათ შორის ოპოზიციონერები ნიკა მელია და გიგი უგულავა, ასევე აქტივისტი დიმიტრი ბიძინაშვილი.
