ღაზაში ცეცხლის შეწყვეტის შეთანხმება უკვე ძალაშია. ამის შესახებ განცხადება ისრაელის პრემიერის ოფისის მიერ გაკეთდა.
ზავი ადგილობრივი დროით 11:15 საათზე დაიწყო, თავდაპირველად გამოცხადებულ დროზე 3 საათით გვიან. ისრაელმა მიიღო მძევლების სია, რომელიც „ჰამასმა“ დღეს უნდა გაათავისუფლოს.
შეთანხმების ძალაში შესვლა სწორედ არასრული სიის გამო დაგვიანდა. თავდაპირველად „ჰამასმა“ თელ-ავივს 33 მძევლიდან მხოლოდ 30-ის გვარი გადასცა და განაცხადა, რომ იყო „ტექნიკური“ შეფერხება სამი მძევლის გვარის მიწოდებაში.