მმართველი პარტიის საპატიო თავმჯდომარემ, ქართველმა ოლიგარქმა, ბიძინა ივანიშვილმა აჭარაში მოსახლეობასთან შეხვედრისას მისი მმართველობის 12 წელზე ისაუბრა.
მისი თქმით, ქვეყნას გასულ 12 წელში საგრძნობლად დიდი წინ სვლა აქვს.
„მსოფლიო ბანკის შეფასებით, 2024 წელს საქართველოში საერთაშორისო სიღარიბის დონე ახალ ისტორიულ მინიმუმამდე მცირდება და მაჩვენებლის 12-წლიანი გაუმჯობესებით საქართველო მსოფლიოს საუკეთესო ხუთეულშია. სიღარიბის გაუმჯობესებით, 12 წელში მსოფლიოს საუკეთესო ხუთეულშია საქართველო. ნუ დაგვავიწყდება, ხალხო, რომ 12 წელიწადში ვერ გაკეთდება ის, რაც უნდა გაკეთდეს 25 და 30 წელიწადში, მაგრამ 12 წლის განმავლობაში, ნამდვილად შთამბეჭდავი მიღწევები გვაქვს“, - განაცხადა ივანიშვილმა.
