პირველ იანვარს, მესტიის მუნიციპალიტეტის სოფელ ეცერში გვიან ღამით ორ გვარს შორის დაპირისპირება მოხდა.
ერთმანეთს წარსულში არსებული უთანხმოების გამო, პაკელიანები და აფრასიძეები დაუპირისპირდნენ.
გავრცელებული ინფორმაციით, მკვლელობა მაშინ მოხდა, როდესაც ერთ-ერთი მოკლული სამსახურიდან სახლში ბრუნდებოდა. დაჭრილია ერთ-ერთი მოკლულის ძმაც.
გამოძიება სისხლის სამართლის კოდექსის 109-ე მუხლის „ლ“ ქვეპუნქტით მიმდინარეობს, რაც დამამძიმებელ გარემოებაში ჩადენილ ორი პირის განზრახ მკვლელობას გულისხმობს.
