„ნაციონალური მოძრაობის“ გენერალური მდივანი პეტრე ცისკარიშვილი უკვე აღარც მალავს, რომ ლევან ხაბეიშვილი მისი ფავორიტია.
ცისკარიშვილი დღეს ხაბეიშვილს კახეთში შიდაპარტიულ შეხვედრებზე დაჰყვება.
„ვფიქრობ, რომ ლევან ხაბეიშვილი არის ფავორიტი, თუმცა სხვა ყველა კანდიდატი ღირსეულია. ჩვენი საერთო პოლიტიკური ოჯახის განუყოფელი ნაწილი არიან ისინი დღეს და იმედი მაქვს, მომავალში, მიუხედავად იმისა, თუ რა შედეგით დასრულდება ეს არჩევნები, სულ დარჩებიან ჩვენი გუნდის წევრებად“, - ამბობს ცისკარიშვილი.
