„ნაციონალური მოძრაობის“ თავმჯდომარეობის კანდიდატი, ლევან ხაბეიშვილი კახეთშია, ის შიდაპარტიულ შეხვედრებს განაგრძობს.
თელავში ნიკა მელიას კონკურენტი „ნაციონალური მოძრაობის“ მხარდამჭერებს შეხვდა.
„გენერალური მობილიზაციისთვის მნიშვნელოვანია ყველა რაიონული ორგანიზაცია იყოს აქტიური. რუსი ოლიგარქის, ბიძინა ივანშვილის დამარცხება „ნაციონალური მოძრაობის“ გარეშე არის წარმოუდგენელი.
ცხადია, მე ვიქნები ენმ-ს რიგითი წევრი, თუ ამას ამომრჩეველი გადაწყვეტს, ამაში პრობლემას ვერ ვხედავ. როცა საქმეს სჭირდებოდა მე ვიყავი დამკვირვებელიც, კომისიის წევრიც, პარტიის წარმომადგენელიც და შესაბამისად ვერანაირ პრობლემას ამაშ ვერ ვხედავ, თუმცა დარწმუნებული ვარ გამარჯვებაში“, - განაცხადა ლევან ხაბეიშვილმა.
