„ნაციონალური მოძრაობა იშლება“, - ამის შესახებ „ქართული ოცნების“ დეპუტატმა რატი იონათამიშვილმა განაცხადა.
მისი თქმით, ეს პროცესი სამართლიანია.
„შიგნით თუ გარეთ, ნაციონალური მოძრაობა დაშლის პროცესს განაგრძობს, ეს შეუქცევადია. ვფიქრობ, ეს არის დამსახურებულიც, რადგან, მთელი ამ წლების განმავლობაში ეს პარტია ცდილობდა, რომ საზოგადოებასა და ქვეყანაში ზიზღი, სიბინძურე და ურთიერთდაპირისპირება დაენერგა“, - განაცხადა რატი იონათამიშვილმა.
