რუსთავში, ჭყონდიდელის დასახლებაში შვილმა დედა დაჭრა.
ამის შესახებ ინფორმაციას „ინფო რუსთავი“ ავრცელებს.
მედია წერს, რომ 19 წლის ბიჭმა 38 წლის ქალს ჭრილობა ცივი იარაღით მიაყენა. მათივე ცნობით, დედა-შვილს შორის დაპირისპირება ურთიერთშელაპარაკების ნიადაგზე დაიწყო.
დაჭრილი ქალი სასწრაფო-სამედიცინო დახმარების ეკიპაჟმა ქალაქის ცენტრალურ საავადმყოფოში გადაიყვანა.
რუსთავის პოლიციამ მომხდარ ფაქტზე ბრალდებული ცხელ კვალზე დააკავა.
