„ქართული ოცნების“ დეპუტატმა, ირაკლი ზარქუამ ჟურნალისტებთან საუბრის დროს ირაკლი კობახიძის განცხადება შეაფასა.
მისი განცხადებით, ირაკლი კობახიძე ქვეყნის ყველაზე დიდი პატრიოტია.
„ირაკლი კობახიძე არის ის ადამიანი, რომელიც ჩვენი ქვეყნის ყველაზე დიდი პატრიოტია.
სწორედ მისი დიდი დამსახურებაა, რომ საქართველომ ომი აიცილა. რაც შეეხება კონკრეტულად თქვენს ინტერპრეტაციას, რასაც აკეთებთ.
იქ კონკრეტულად ითქვა, რომ სანამ ჩვენ ხელისუფლებაში ვართ და მოგვიანებითაც და მერეც, დარწმუნებული ვარ, ოკუპირებულ ტერიტორიებზე ცეცხლითა და მახვილით არასდროს არ შევალთ.
ქართველი ხალხი არასოდეს დაუშვებს, რომ ჩვენს აფხაზ და ოს ძმებთან იარაღის ენით ვილაპარაკოთ“, - განაცხადა ირაკლი ზარქუამ.
