შინაგან საქმეთა მინისტრმა, ვახტანგ გომელაურმა სუს-ის ყოფილ მაღალჩინონსანზე, სოსო გოგაშვილზე განცხადება გააკეთა.
მისი თქმით, მან გოგაშვილს ყველაფერი გაუკეთა, რათა თანამდებობაზე დაეწინაურებინათ.
„მე არავის არ ვაყვედრი არაფერს. რაც შემეძლო ყველაფერი გავუკეთე. ეს ადამიანი იყო დაბალ თანამდებობაზე, არაფერი არ ჰქონდა. მერე გახდა პირველი მოადგილე და როგორც არის ღმერთმა მისცეს. კარგად იყოს. არანაირი ცუდი არ მინდა მისი ოჯახისთვის. რა მოხდა, სადამდეც მიიყვანა მისმა საქციელმა და მისმა ქმედებებმა კი ვხედავთ და კიდევ ვწუხვარ მე. არ მინდა არავისთვის, მითუმეტეს მისი ოჯახისთვის ცუდი“, - განაცხადა ვახტანგ გომელაურმა.
