„ქართული ოცნების“ თავმჯდომარე ირაკლი კობახიძე აცხადებს, რომ რუსების მიმართ თუ ზიზღი გაგვაჩნია, ეს ქსენოფობიაა და სირცხვილია.
ამის შესახებ მან პარტიის ოფისში გამართულ ბრიფინგზე განაცხადა.
„რუსეთის მოქალაქის მიმართ ვინმეს თუ აქვს ზიზღი, ეს არის ქსენოფობია და ეს არის სირცხვილი. თქვენ არ მეთანხმებით ამაში?! თუ ადამიანი არის უბრალოდ რუსი ან რუსეთის მოქალაქე, და ამის გამო აქვთ ზიზღი ადამიანის მიმართ... თქვენ გაქვთ ზიზღი ასეთი ადამიანის მიმართ? რუსის მიმართ ზიზღი გაქვთ? რიგითი რუსის მიმართ თქვენ ზიზღი გაქვთ? თუ თქვენ გაქვთ ზიზღი რიგითი რუსის მიმართ, მაშინ თქვენ არაფერი გსმენიათ არც ადამიანების უფლებებზე, არც საერთაშორისო სამართლებრივ სტანდარტებზე, არაფერზე, გარდა ამისა კულტურაზე“, - განაცხადა კობახიძემ.
