„ქართული ოცნება“ 10 წელია მიხეილ სააკაშვილს იყენებს როგორც საფრთხობელას“ - პაატა მანჯგალაძე

„ქართული ოცნება“ 10 წელია მიხეილ სააკაშვილს იყენებს როგორც საფრთხობელას“ - პაატა მანჯგალაძე

1-08-2022, 14:13 - 2022
560
       

„ქართული ოცნება“ 10 წელია მიხეილ სააკაშვილს იყენებს როგორც საფრთხობელას“, - ამის შესახებ „სტრატეგია აღმაშენებლის“ დეპუტატმა პაატა მანჯგალაძემ განაცხადა.

მანჯგალაძის თქმით, ის მიხეილ სააკაშვილის ნებისმიერ გადაწყვეტილებას პატივს სცემს.

მე პატივს ვცემ მის ნებისმიერ გადაწყვეტილებას, ვინაიდან პატიმრობაში და ტყვეობაშია ფაქტობრივად, ამიტომ არ ვაპირებ კრიტიკას, არ განვსჯი მას. დარჩენაზე, წასვლაზე, მკურნალობაზე, გადარჩენაზე მის ნებისმიერ გადაწყვეტილებას ჩემი მხრიდან ექნება პატივისცემა. მე სხვა პარტიის წარმომადგენელი ვარ და თუ ჩემი შეხედულება გაინტერესებთ, პოლარიზების შემცირებისთვის პირველი რიგის ამოცანა დეოლიგარქიზაციაა და შემდეგი საკითხებია სხვა დანარჩენი საკითხები. ჩვენ ვხედავთ, რომ „ქართული ოცნება“ 10 წელია მიხეილ სააკაშვილს იყენებს როგორც საფრთხობელას, თუ მიხეილ სააკაშვილი გადაწყვეტს დროებით მაინც, მისი ჯანმრთელობის მდგომარეობიდან გამომდინარე, პოლიტიკიდან წავიდეს, ვფიქრობ, "ქართულ ოცნებას" ამ კარტის გათამაშების შანსები აღარ ექნება, პოლარიზების უფრო ნაკლები რისკები იქნება. მაგრამ ეს არ არის ჩემი გადასაწყვეტი და სააკაშვილის ნებისმიერ გადაწყვეტილებას ამ მდგომარეობაში, რომელიც არის ტყვე, პატივს ვცემ“, - განაცხადა მანჯგალაძემ.

       
პოპულარული
მსგავსი სიახლეები