უკრაინის უმაღლესი რადის დეპუტატი, ოლეკსეი გონჩარენკო კოსოვოსა და სერბეთის საზღვარზე განვითარებულ მოვლენებს გამოეხმაურა.
მან განაცხადა, რომ თუ სერბეთი კოსოვოს თავს დაესხმება, უკრაინის არმია კოსოვოს დაიცავს.
„თუ სერბეთი შეიჭრება კოსოვოში, ჩვენ უნდა დავიცვათ კოსოვოელები. უკრაინა მზად არის, იმოქმედოს ჩვენს ჯარებთან ერთად ადგილზე. სერბეთი აგრესიული ომის დაწყებას ცდილობს, ზუსტად პუტინის მეთოდით. როგორც ვთქვი, სერბეთი არის პუტინის ტროას ცხენი ევროპაში. ომი მსოფლიოს ნებისმიერ წერტილში საშინელებაა“, - განაცხადა გონჩარენკომ.
