უხვი ნალექის გამო, 30 ივნისის დილის 06:00 საათამდე ყაზბეგის მუნიციპალიტეტის გარკვეულ გზებზე გადაადგილება შეიზღუდა.
ამის შესახებ ინფორმაციას ყაზბეგის მერია ავრცელებს.
„უხვი ნალექის გამო, შიდასახელმწიფოებრივი მნიშვნელობის, აჩხოტი-სნო-ახალციხე-ჯუთას საავტომობილო გზის, კმ 12-კმ 16 მონაკვეთზე აღინიშნება ბზარები, ძლიერი ქვის ცვენა და მარჯვენა ფერდის ჩამოშლა.
აღნიშნულ მონაკვეთზე ცუდი ხილვადობის გამო, 29 ივნისიდან ყოველდღე, 21:00 სთ-დან 06:00 სთ-მდე, აკრძალულია ყველა სახის ავტოტრანსპორტის მოძრაობა, ხოლო დღე-ღამის დანარჩენ პერიოდში ავტოტრანსპორტის გადაადგილება თავისუფალია“, - წერს მერია.
