„ისე ხანდახან საჭიროა მკაცრი ხელი, ისეთი არა, მაგრამ ძალიან ცოტა მკაცრი ხელი საჭიროა“, - ასე აფასებს „ქართული ოცნების“ მილიონერი დეპუტატი ბეჟან წაქაძე სტალინის „დადებით“ თვისებებს.
წაქაძეს, 66 000 ლარი აქვს გადახდილი საბჭოთა დიქტატორის ფერწერულ ტილოში.
„მე ვაფასებ ადამიანში, შეიძლება ძალიან ცუდი იყოს, მაგრამ რაღაც ჰქონდეს კარგი. სტალინსაც ჰქონდა გარკვეული, თუნდაც კარგი მცოდნე იყო ლიტერატურის, რუსულის, ქართულის და ყველაფრის. იყო მორწმუნე, ქრისტიანი, სწავლობდა სასულიერო სემინარიაში. ეს თვისებები დადებითი ჰქონდა“, - განაცხადა ბეჟან წაქაძემ.
