დაახლოებით 1 საათის წინ თბილისში, არაყიშვილის ქუჩაზე, ცეცხლი მსუბუქ ავტომობილს გაუხსნეს.
არსებული ინფორმაციით, დაჭრილია ორი მამაკაცი. დაჭრილები ხეჩინაშვილის კლინიკაში გადაიყვანეს და ამ დროისათვის მათ გამოკვლევები უტარდებათ.
თვითმხილველებმა 10-ზე მეტი გასროლის ხმა გაიგეს. ფალიაშვილი -არაყიშვილის კვეთაზე მობილიზებულია პოლიცია, ადგილზე მუშაობენ ექსპერტ კრიმინალისტები. მათ უკვე დაიწყეს ნივთმტკიცებების დანომვრა, ადგილზეა ცეცხლსასროლი იარაღის მასრები.
შსს-ს მომხდართან დაკავშირებით ჯერ-ჯერობით კომენტარი არ გაუკეთებია.