საქართველოს მესამე პრეზიდენტის, მიხეილ სააკაშვილის დედამ, გიული ალასანიამ თბილისის საქალაქო სასამართლოში გამართული პროცესის შემდეგ განცხადება გააკეთა.
ალასანია მოითხოვს, რომ მიხეილ სააკაშვილს სათანადო გამოკვლევები და მკურნალობა გაეწიოს. მანვე აღნიშნა, რომ ექს-პრეზიდენტის პირად ექიმს თვე-ნახევარზე მეტია პაციენტის მონახულების უფლებას არ აძლევენ.
„ითხოვს ადამიანი ადეკვატურ გამოკვლევას. ესეც არ ჩასტარებია და შემდეგ, რა თქმა უნდა, შესაბამის მკურნალობას. თვე-ნახევარია თითქმის გასული და მისი პირადი ექიმი არაფრით არ შეუშვეს“, - განაცხადა გიული ალასანიამ.
ცნობისთვის, დღეს თბილისის საქალაქო სასამართლოში საზღვრის უკანონო კვეთის საქმეზე მიხეილ სააკაშვილის პროცესი გაიმართა. სხდომას ექს-პრეზიდენტი ესწრებოდა. მან სასამართლოს დარბაზში განცხადებებიც გააკეთა.