რუსმა დამპყრობლებმა მელიტოპოლის სატელევიზიო ანძას ალყა შემოარტყეს, - ამის შესახებ ინფორმაციას ზაპოროჟიეს რეგიონალური სამხედრო ადმინისტრაცია ადგილობრივ ხელისუფლებაზე დაყრდნობით ავრცელებს.
„რუსმა სამხედროებმა ალყა შემოარტყეს მელიტოპოლის სატელევიზიო ანძას. ის მათი კონტროლის ქვეშაა“, - ნათქვამია უწყების ანგარიშში.
შემდგომში ცნობილი გახდა, რომ დატყვევებულ ქალაქში რუსული ტელევიზია ჩართეს.
„SBU-ს წყაროები იუწყებიან, რომ ოკუპანტებმა მელიტოპოლის სატელევიზიო ანძაზე თავიანთი აღჭურვილობა დაამონტაჟეს და რუსული ტელეარხების მაუწყებლობა დაიწყეს“, - ნათქვამია ანგარიშში.
უკრაინული მედიის ცნობით, დღესვე ცნობილი გახდა ხერსონის სატელევიზიო ანძის სავარაუდო აღების შესახებ. მათივე ინფორმაციით, სავარაუდოდ, ქალაქში რუსული პროპაგანდისტული არხების გაშვება იგეგმება.
