რუსმა ოკუპანტებმა სუმის რეგიონის ქალაქ ახტირკაში ჟენევის კონვენციით აკრძალული ვაკუუმური ბომბები ჩამოაგდეს, - ამის შესახებ ადგილობრივი მედია იუწყება.
ახტირკის მერმა, პაველ კუზმენკომ Facebook-ზე დაწერა, რომ მტერი საზარელ ომს აწარმოებს.
„მტერი საზარელ ომს აწარმოებს. ვაკუუმური ბომბი კვლავ ჩამოაგდეს ახტირკაზე, ააფეთქეს ტანკები“, - განაცხადა პაველ კუზმენკომ.
მანვე დასძინა, რომ ვაკუუმური ბომბები აკრძალულია ჟენევის კონვენციით.
