რუსეთის საჰაერო ძალებმა მარიუპოლის გარეუბანში მდებარე სოფელ სართანაში საჰაერო იერიში განახორციელეს,- ინფორმაციას ამის შესახებ მარიუპოლის საკრებულოს პრესსამსახური ავრცელებს.
პრესსამსახურის ინფორმაციით, დაიღუპა სულ მცირე სამი ადამიანი და ექვსი დაშავდა. დაშავებულები საავადმყოფოებში არიან გადაყვანილი.
"დღეს, დაახლოებით 15:00 საათზე, რუსეთის ფედერაციის ჯარებმა განახორციელეს საჰაერო დარტყმა მარიუპოლის მახლობლად სოფელ სართანაზე. გარდაცვლილია სულ მცირე სამი ადამიანი და დაშავებულია ექვსი",-განაცხადა მარიუპოლის საკრებულოს პრესსამსახურმა.
