ევროკავშირი რუსეთისთვის საჰაერო სივრცეს მთლიანად ხურავს.
ეს იმას ნიშნავს, რომ რუსული კომპანიების ან რუსეთში რეგისტრირებულ-კონტროლირებად თვითმფრინავებს ევროკავშირის ქვეყნებში შესვლა ეკრძალებათ.
ამის შესახებ ევროკომისიის პრეზიდენტმა, ურსულა ფონ დერ ლაიენმა პრესკონფერენციაზე განაცხადა.
მან განმარტა, რომ სანქციები გულისხმობს რუსული თვითმფრინავების აკრძალვას ევროკავშირში გაფრენის, დაშვების, ასევე მის თავზე ფრენის შესახებ.
მისივე თქმით, ეს შეეხება ყველას, მათ შორის კერძო თვითმფრინავებს.
