ცივილიზებული და დემოკრატიული ქვეყნების სტანდარტი - ღარიბაშვილი „ენმ“-ის ოფისის შტურმზე

პრემიერ-მინისტრ ირაკლი ღარიბაშვილის განცხადებით „ენმ“-ის ოფისში განხორციელებული შტურმი ცივილიზებული და დემოკრატიული ქვეყნების სტანდარტია.

ღარიბაშვილი გომელაურს შტურმისთვის მადლობას უხდის.

„დღეს გავხდით მომსწრენი, რომ ჩვენ ვართ სამართლებრივი სახელმწიფო და ჩვენ ვართ ძლიერი სახელმწიფო,  გვყავს ძლიერი პოლიცია,  გვყავს ეფექტური შსს მინისტრი. გუშინ ვრცლად ვისაუბრე მელიასთან დაკავშირებით, კიდევ ერთხელ მინდა გავაკეთო შემდეგი კომენტარი, რომ ნიკა მელია არის კრიმინალი. კიდევ ერთხელ მინდა გითხრათ, რომ ჩვენ ვაშენებთ სამართლებრივ სახელმწიფოს. ყველა მოქალაქე არის ვალდებული დაემორჩილოს კანონის აღსრულებას. გამოყენებული მეთოდები და პრაქტიკა იყო ცივილიზებული და დემოკრატიული ქვეყნების სტანდარტი“, - განაცხადა ღარიბაშვილმა.