უკრაინელი სამხედროები კიევს, ჩერნიგოვს, მარიუპოლს და ხარკოვს აკონტროლებენ, - ამის შესახებ შინაგან საქმეთა მინისტრის მრჩეველმა, ვადიმ დენისენკომ ვიდეომიმართვაში განაცხადა.
„მტერი ცდილობდა უკრაინის ქალაქებში შეჭრას, მაგრამ ქალაქები კიევი, ჩერნიგოვი, მარიუპოლი, ხარკოვი მთლიანად უკრაინის კონტროლის ქვეშაა“, - განაცხადა დენისენკომ.
Ukrinform იუწყება, რომ პარალელურად, რუსმა ოკუპანტებმა რაკეტებით დაარტყეს ვასილკოვის ნავთობის საცავი, სადაც დიდი ხანძარი გაჩნდა.