განახლებული მოტივაციებით საზოგადოების სამსახურში - სანდო, ობიექტური და დროული ინფორმაცია
რეკლამა
<

უნდა გვეშინოდეს თუ არა კოვიდ-19ის და ვაქცინის არარსებობის? - ლევან რატიანის განმარტება

უნდა გვეშინოდეს თუ არა კოვიდ-19ის და ვაქცინის არარსებობის? - ლევან რატიანის განმარტება
5-11-2020, 01:49
ავტორი: ბაქარ ლიკლიკაძე

უნდა გვეშინოდეს თუ არა კოვიდ-19ის და ვაქცინის არარსებობის?

პირველი საუნივერსიტეტო კლინიკის დირექტორის, ლევან რატიანის განცხადებით, კოვიდ-19 იმაზე ნაკლებად საშიშია, ვიდრე ეს საზოგადოებას ჰგონია.

როგორც მან აღნიშნა, კოვიდ-19 ჩვეულებრივი ვირუსია, რომელიც შეიძლება ნებისმიერს ჰქონდეს, თუმცა გართულებების გარეშე.

„ჩვენ შეიძლება ვიყოთ ინფიცირებული, მაგრამ არ ვიყოთ დაავადებული. ეს იმას ნიშნავს, რომ ვირუსის მტარებლობა არ ნიშნავს დაავადებულს, მაგრამ თუ ვირუსმა ორგანიზმში გამოიწვია ამა თუ იმ ეტაპზე სხვადასხვა სისტემის ფუნქციების დიზფუნქცია, უკვე ჩნდება დაავადება კლინიკური მანიფესტაციებით“ , - აღნიშნავს რატიანი.

რატიანმა ვაქცინაზეც გაამახვილა ყურადღება და დარწმუნებით აღნიშნა, რომ ვირუსის გაკონტროლების შემთხვევაში მისი დამარცხება ვაქცინის შექმნამდეც შეიძლება.

„ეს ვირუსი ისე წავა სამყაროდან, ვაქცინა არ დასჭირდება“, - განაცხდა ლევან რატიანმა.

გაზიარება
მოინახულეს 7 789-ჯერ
კომენტარები