ბათუმში, ზებრა გადასასვლელზე მიმავალ ქალს მუნიციპალური ავტობუსი დაეჯახა. ამ დროს ავტობუსს უკან მიმავალი კიდევ ერთი მუნიციპალური ავტობუსი შეეჯახა. დაშავებული ქალი რეფერალურ ჰოსპიტალში გადაიყვანეს.
შემთხვევა პუშკინის და გრიბოედოვის ქუჩების კვეთასთან მოხდა.
თვითმხილველებმა ადგილობრივ გამოცემა „ბათუმელებს“ უთხრეს, რომ ქალი ზებრაზე გადასვლას ვერ ახერხებდა, რადგან ის მსუბუქ ავტომანქანას ჰქონდა ჩახერგილი, სწორედ ამ დროს შეეჯახა ავტობუსი ზებრასთან ახლოს მყოფ ქვეითს. შსს-ს ინფორმაციით, გამოძიება სსკ-ის 276-ე მუხლით დაიწყო.
