ისრაელზე თავდასხმის შედეგად დაღუპულთა რიცხვი 350-მდე გაიზარდა

ისრაელზე თავდასხმის შედეგად დაღუპულთა რიცხვი 350-მდე გაიზარდა
8-10-2023, 12:22 - 2023
600

ისრაელის თავდაცვის ძალების ცნობით, „ჰამასის“ თავდასხმის შედეგად დაღუპულთა რაოდენობა 350-მდე გაიზარდა. 

ღაზაში პალესტინის ჯანდაცვის სამინისტრო კი აცხადებს, რომ ჰამასის დარტყმების შემდეგ ისრაელის საპასუხო შეტევას, სულ მცირე, 256 პალესტინელი ემსხვერპლა და დაშავდა 1 788 პირი.

ამასთან, გავრცელებული ინფორმაციით, „ჰამასის“ მებრძოლებმა ათობით მშვიდობიანი მოქალაქე და ისრაელის თავდაცვის ძალების ჯარისკაცი დაატყვევეს და ღაზას სექტორში გადაიყვანეს. მათი რაოდენობა უცნობია.


ცნობისთვის, გუშინ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება „ჰამასმა“ აიღო და მას ოპერაცია „ალ-აკსას შტორმი“ უწოდა.

სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია „რკინის ხმლების“ დაწყება გამოაცხადა.

კომენტარები
ბოლოს დამატებული
რეკლამა