ხაშური-სურამის გზაზე ავტოსაგზაო შემთხვევის შედეგად 18 ადამიანი დაშავდა. არსებული ინფორმაციით, მათგან 3-ის მდგომარეობა მძიმეა.
წინასწარი ინფორმაციით, ზუგდიდი-თბილისის სამგზავრო მიკროავტობუსი ავტობანის შემოვლით გზაზე მოძრაობდა, რა დროსაც ის ხაშური-სურამის მონაკვეთზე გადავარდა.
ავარიის შედეგად მიკროავტობუსში მყოფმა ყველა მგზავრმა სხეულის სხვადასხვა ხარისხის დაზიანება მიიღო. სასწრაფო დახმარების ჯგუფებმა დაშავებულები ხაშურის ცენტრალურ საავადმყოფოში გადაიყვანეს.
