განახლებული მოტივაციებით საზოგადოების სამსახურში - სანდო, ობიექტური და დროული ინფორმაცია
რეკლამა
<

კორუფციაში ბრალდებული კომპანია დავით ნარმანიასა და კახა კალაძის მერობის პერიოდში ტენდერებს უკონკურენტოდ იგებს

კორუფციაში ბრალდებული კომპანია დავით ნარმანიასა და კახა კალაძის მერობის პერიოდში ტენდერებს უკონკურენტოდ იგებს
16-01-2021, 03:01
ავტორი: ბაქარ ლიკლიკაძე

კორუფციაში ბრალდებული კომპანია დავით ნარმანიასა და კახა კალაძის მერობის პერიოდში ტენდერებს უკონკურენტოდ იგებს

ამის შესახებ ინფორმაციას ფლანგვის დეტექტორი ავრცელებს.

მათი ცნობით შპს „გრინსერვის +“ 2013 წლიდან თვითმართველობის ტენდერებში აქტიურად მონაწილეობს და თითქმის ყველა ტენდერს უკონკურენტოდ იგებს.

შვიდი წლის განმავლობაში შპს „გრინსერვის +“-მა ტენდერების გზით დაახლოებით 41,256,287 ლარი მიიღო, ხოლო გამარტივებული შესყიდვებით - 582,409 ლარი.


შპს-ს მფლობელები ლაშა ფურცხვანიძე, კობა ხარშილაძე და ტარიელ კიკნაძე არიან - კომპანია 2010 წელს დაარსეს, როდესაც მათი პირველი კომპანია - შპს „გრინსერვისი“ - ტენდერების შავ სიაში შეიყვანეს.

კომპანიამ 2013 წელს აქტიურად დაიწყო ტენდერებში მონაწილეობა, თუმცა ტენდერებში მონაწილეობამდე ლაშა ფურცხვანიძე და კობა ხარშილაძე წინა კომპანიის - შპს „გრინსერვისის“ „კორუფციული საქმიანობის” მოტივით დააკავეს.

2013 წლის 18 დეკემბერს სასამართლომ დაკავებულები 400 000 ლარიანი გირაოთინ გაათავისუფლა. 24 დეკემბერს კი სააპელაციო სასამართლომ კობა ხარშილაძეს პატიმრობა მიუსაჯა, მას საქართველოდან წასვლის ბილეთები ჰქონდა შეძენილი.

არსებული კომპანიის კორუფციული სქემები ფინანსთა სამინისტროს საგამოძიებო სამსახურმაც დაადასტურა. მიუხედავათ ამისა კომპანიამ ტენდერებში მონაწილეობის უფლება მიიღო და 2013 წლიდან დღემდე 222 ტენდერიდან 42% მოიგო - მიღებული თანხების სავარაუდო ღირებულებამ კი 41 256 287 ლარი შეადგინა. გამარტივებულ შესყიდვებში 582 409 ლარი.

„გრინსერვის +“-მა ტენდერების გზით ყველაზე მეტი თანხა კახა კალაძის მერობის პერიოდში მიიღო.

1. 2018 წელს - 11 025 727 ლარი

2. 2019 წელს - 22 154 620 ლარი

3. 2020 წელს - 18 616 941 ლარი

გაზიარება
მოინახულეს 440-ჯერ
კომენტარები