საქართველოს ყოფილი პრეზიდენტის, მიხეილ სააკაშვილის მხარდამჭერთა ჯგუფი ექსპრეზიდენტის ცვილის ფიგურის დამზადების ინიციატივით გამოდის.
ამის შესახებ ინფორმაცია სოციალურ ქსელში გავრცელდა.
„მოგმართავთ ყველას, ვისაც თანამედროვე სახელმწიფოს შემქმნელი - მიხეილ სააკაშვილი გენატრებათ, ხომ არ ავაგროვოთ ფული და დავამზადოთ ბატონი მიშას ცვილის ფიგურა? ამით რაღაც სახით მაინც შევიმსუბუქებდით იმ ტკივილს, რომელიც მისი დაჭერით მოგვაყენეს! დაწერეთ კომენტარებში, თუ ეთანხმებით“, - წერენ მხარდამჭერები.