რუსეთს ვუპასუხეთ სწრაფად და გადამწყვეტად, - ამის შესახებ აშშ-ის სახელმწიფო დეპარტამენტის პრესსპიკერმა, ნედ პრაისმა განაცხადა.
ნედ პრაისის თქმით, რუსეთის წინააღმდეგ დაწესებული სანქციები მათი რეაგირების მხოლოდ დასაწყისია.
„უკრაინაში რუსეთის შეჭრა დაიწყო. დონეცკისა და ლუგანსკის აღიარებიდან რამდენიმე საათში, ვლადიმერ პუტინმა ამ რეგიონებში შეიარაღებულ ძალებს შეჭრისთვის ავტორიზაცია მიანიჭა. მან მიიღო უკრაინის სუვერენიტეტზე პირდაპირი თავდასხმის სხვა ზომებიც. ჩვენ ვუპასუხეთ სწრაფად და გადამწყვეტად, ერთ დღეზე ნაკლებ დროში, გამოვაცხადეთ სანქციების პირველი ნაწილი, ჩვენს მოკავშირეებთან ერთად ევროკავშირიდან, გაერთიანებული სამეფოდან, კანადიდან, იაპონიიდან და ავსტრალიიდან“, - განაცხადა ნედ პრაისმა.
